சாப்பிட வாங்க!

புளியில்லா சாம்பார்

2011-12-23T23:46:00.000-08:00

INGREDIENTS பட்டியல்

சாம்பார் செய்ய புளி ஊறவைக்க புளி டப்பாவை திறந்து பார்த்தா, சுத்தமா புளியே இல்லையா? சாம்பார்தான் கடையிலேயே விக்குதே வாங்கிக்கலாமேன்னு சொல்லவா இந்த பதிவு? சரி புளியில்லாம சாம்பார் எப்படி வைக்கிறதுன்னு பார்க்கலாமா? திடீர் விருந்தாளிகள் வந்தாலும் இந்த சாம்பாரை நீங்க சுலபமா செய்யலாம். இந்த செய்முறையை எனக்கு என்னோட மாமியார் சொல்லிக் கொடுத்தாங்க. அவங்களுக்கு எனது நன்றி!

தேவையான பொருட்கள்:

பெரிய வெங்காயம் : 2

தக்காளி : 3

துருவிய தேங்காய் : 2 தேக்கரண்டி

கடுகு, வெந்தயம் : சிறிதளவு.

தனியா : 2 தேக்கரண்டி

கடலைப் பருப்பு : 1 தேக்கரண்டி

சிவப்பு மிளகாய் : 2 [அ] 3

பெருங்காயம் : சிறிதளவு.

உப்பு, மஞ்சள் பொடி : தேவைக்கேற்ப

துவரம்பருப்பு : ஒரு கப்.

எண்ணெய் : தேவைக்கேற்ப

கருவேப்பிலை : சிறிதளவு

கொத்தமல்லி : சிறிதளவு

செய்முறை

துவரம்பருப்பை குக்கரில் வேக வைத்து எடுத்துக்கொள்ளவும். ஒரு வாணலியில், சிறிதளவு எண்ணைய் விட்டு தனியா, கடலை பருப்பு, சிகப்பு மிளகாய், பெருங்காயம் ஆகியவற்றை பொன்னிறத்தில் வறுத்துக்கொள்ளுங்கள். ஆறிய பிறகு அதனுடன் தேங்காய் சேர்த்து கொறகொறவென அரைத்து வைத்துக்கொள்ளவும்.

வெங்காயம், தக்காளியை பெரிய பெரிய துண்டுகளாக நறுக்கிக் கொள்ளவும். ஒரு வாணலியில் சிறிதளவு எண்ணெய் விட்டு கடுகு, வெந்தயம் தாளித்துக் கொள்ளவும். பிறகு நறுக்கி வைத்த வெங்காயம், தக்காளி, கருவேப்பிலையைச் சேர்த்து வதக்கி பிறகு தேவைக்கேற்ப தண்ணீர் சேர்த்து, உப்பு, மஞ்சள் பொடி சேர்த்து கொதிக்கவிடவும். சிறிது கொதி வந்தவுடன் அரைத்து வைத்த விழுதினைப் போட்டு ஐந்து நிமிடங்கள் கொதிக்க விடவும். பிறகு வேகவைத்த துவரம்பருப்பினை போட்டு நன்றாக கொதி வந்தவுடன் இறக்கி கொத்தமல்லி தழைகளை மேலே தூவி விடுங்கள். இப்போ புளியில்லா சாம்பார் ரெடி! பரவாயில்லையே புளியே இல்லாமல் சாம்பார் செஞ்சுட்டியே! சரியான "சமையல் புலி" தான் நீ என்ற பட்டத்தையும் வாங்கிக்கோங்க!

ஆதி வெங்கட்.

கண்டந்திப்பிலி ரசம்

2011-10-08T01:55:00.000-07:00

INGREDIENTS பட்டியல்

நம் இன்றைய வாழ்வில் உடலுக்கு நன்மை தராத எண்ணெயில் பொரிக்கப்பட்ட உணவுகளையும், கொழுப்புச்சத்து அதிகமுள்ள உணவையும் தான் அதிகமாக எடுத்துக் கொண்டு வருகிறோம். அப்படிப்பட்ட சூழலில் வாரத்தில் ஒரு நாளாவது இதுபோன்ற மருத்துவ குணமுள்ள உணவை எடுத்துக் கொண்டால் நல்லது. இது ஒரு மருத்துவ குணமுள்ள ரசம். ஜலதோஷம், தொண்டை கரகரப்பு, உடல்வலி, அஜீரணம் இவற்றால் அவதிப்படுபவர்கள் இந்த ரசத்தை சாப்பிடலாம். மற்றவர்களும் தாராளமாக எடுத்துக் கொள்ளலாம்.

கண்டந்திப்பிலி

தேவையான பொருட்கள்:-

புளி – எலுமிச்சம்பழ அளவு

உப்பு – தேவையான அளவு

பெருங்காயத்தூள் – கால் டீஸ்பூன்

கண்டந்திப்பிலி குச்சிகள் – சிறிதளவு

தனியா – 2 டீஸ்பூன்

மிளகு ஒரு டீஸ்பூன்

காய்ந்த மிளகாய் – 3

துவரம்பருப்பு – ஒரு டீஸ்பூன்

சீரகம் – அரை டீஸ்பூன்

எண்ணெய் – கால் டீஸ்பூன்

தாளிக்க:-

நெய் – கால் டீஸ்பூன்

கடுகு – கால் டீஸ்பூன்

கறிவேப்பிலை – 2 ஆர்க்கு

செய்முறை:-

சீரகம் தவிர மற்றவற்றை வாசனை வரும் வரை வறுத்து கடைசியாக சீரகத்தைப் போட்டு பொடித்து வைத்துக் கொள்ளவும். புளியை 2 கப் தண்ணீர் விட்டு கரைத்து வடிகட்டி, அதில் உப்பு சேர்த்து கொதிக்க வைக்கவும். இத்துடன் பெருங்காயத்தூளையும் சேர்க்கவும். பின்னர் பொடித்து வைத்துள்ள பொடியை ரசத்தில் சேர்க்கவும். நுரை கூடி வந்ததும் இறக்கி வைக்கவும். நெய்யில் கடுகு, கறிவேப்பிலை தாளித்துக் கொட்டவும். அருமையான கண்டந்திப்பிலி ரசம் தயார்.

”நல்லதோர் ஜோடி” சுட்ட அப்பளம்

மீண்டும் சந்திப்போம்,

ஆதி வெங்கட்.

பெற்றோர்களுக்கு முக்கியமான அறிவிப்பு!!!!

2011-06-14T01:11:00.000-07:00

எது கொடுத்தாலும் என் குழந்தை சாப்பிட மாட்டேங்குதே!! இதுதான்
பல அம்மாக்களின் புலம்பல்ஸ். சரியாக சாப்பிடாதகாரணத்தால்
அடிக்கடி அழுது தொந்திரவு கொடுக்கும் குழந்தைகள் சில என்றால்,
ஒண்ணேமே சாப்பிடாவிட்டாலும் எனர்ஜடிக்காக சுத்தும் ஹைபரேக்டிவ்
குழந்தைகள் இன்னொரு வகை. சில குழந்தைகளுக்கோ வகை வகையாக
வேண்டும். என்ன சமைப்பதுன்னு குழம்பி குழம்பி கிடப்போம்.
உங்களுக்கு உதவும் வகையில் எனக்குத் தெரிந்த சில உணவுவகைகளை
இங்கே பதிவிட இருக்கேன். ஆரம்பம் வளரும் குழந்தைகளுக்காக.

தாய்ப்பாலே சிறந்த உணவு. அதற்கு நிகர் ஏதும் இல்லை. அது குழந்தையின் உரிமை.

குழந்தை சற்று வளர்ந்த பிறகு திட ஆகாரம் கொடுக்கத் துவங்க வேண்டும்.

(வெறும் பால் மாத்திரமே (6/7 மாதம் வரை) குடித்து வளரும் குழந்தைகள் சரியாக சாப்பிடமாட்டார்கள்)

சத்துமாவு கஞ்சியும் நல்லது தான். அத்துடன் NESTUM (RICE), CERELAC, போன்றவையும் கொடுக்கலாம்.

நெஸ்டம் (புழுங்கல் அரிசிக் கஞ்சி போன்றது) செரிலாக- கோதுமையின்
அடிப்படையில் தயாரிக்கப் படுகிறது.

நெஸ்டம் முதலில் பாலில் கரைத்து அதிக திடமாக இல்லாமலும், அதிக நீராக இல்லாமலும் இருக்கும் பக்குவத்தில் கலந்து ஊட்டலாம்.

குழந்தை கூட்டி உண்ண பழகினால்தான் பிறகு திட ஆகாரம் உண்ணமுடியும்.

நெஸ்டம் கொடுக்கும் போது, அதை பாலில் கரைத்துக் கொடுப்பது போல், பருப்புத் தண்ணீரில் கலக்கலாம்.

வாழைப்பழத்தை மசித்து அத்துடன் கலந்து கொடுக்கலாம். ஆப்பிளை குக்கரில் வைத்து அவித்து , நன்கு மசித்து அத்துடன் நெஸ்டம் கலந்து கொடுக்கலாம்.

மசித்த உருளைக்கிழங்கு, பழவகைகள் மசித்துக் கொடுக்கலாம்.

இட்லி ஒரு நல்ல உணவு. இட்லியில் இருக்கும் உளுந்து குழந்தையின்
வளர்ச்சிக்கு பெரிதும் உதவுகிறது. சத்துமாவில் கூட இட்லி ஊற்றி கொடுக்கலாம்.

உதாரணமாக ஒரு டைம்டேபிள் கொடுத்திருக்கிறேன். (இதன் குறிக்கோள் 4 மணிநேரத்திற்கு ஒருமுறை உணவுக் கொடுப்பதுதான். )

காலை 5 மணி - தாய்ப்பால்.(தாய்ப்பால் மறந்த குழந்தை என்றால் பால் 1 டம்பளர்)

காலை 8. மணி- இட்லி அல்லது நெஸ்டம்

காலை 9.30 மணி - கொஞ்சம் பால்.

12.மணீ - கஞ்சி, நெஸ்டம்.

1.30 மணி - பால்

4 மணீ - பழ மசியல் + நெஸ்டம்/ செரிலாக் / பிஸ்கெட் பாலில் நனனத்தது.

6 மணி - தாய்ப்பால்

8மணி - திட ஆகாரம்.

இரவு 10.மணி - தாய்ப்பால்.

செரிலாக் அதிகம் கொடுப்பதால் இனிப்புச் சுவையே நாக்கிற்கு
பழக்கமாகிவிடும். நெஸ்டம் ரைஸில் பருப்புத் தண்ணீர், 9/10
மாதம் ஆகும்போது தெளிவான ரசம் கலந்து தரலாம்.
கொஞ்சம் கொஞ்சமாக உப்பு/காரம் பழக்க வேண்டும்.

மருத்துவரின் ஆலோசனைப் படி வேகவைத்த முட்டை,
இறைச்சி ஆகியவையும் மெல்ல மெல்ல அறிமுகப் படுத்த வேண்டும்.

மிக முக்கியமானது ஓடி ஓடி உணவு ஊட்டக் கூடாது. டீவி பார்த்தால்
குழந்தை உண்கிறது என்பதற்காக டீவியின் முன் குழந்தையை
உட்காரவைத்து சோறு ஊட்டக் கூடாது.

குழந்தை உட்காரத் துவங்கிய உடன், நாம் உண்ணும்போது
ஒரு சிறு தட்டீல் சோறு போட்டு தன் கையால் தானே உண்ண
பழக்க வேண்டும்.

(கீழே, மேலே சிதறி சுத்தம் செய்வது கஷ்டம் என்று சொல்வது
தெரிகிறது)

கறை நல்லது. கறை இல்லாமல் கற்க முடியாது.

INGREDIENTS பட்டியல்

பூண்டு ஊறுகாய் ஆந்திரா ஸ்டைல்

2011-06-12T22:33:00.000-07:00

பூண்டு ஊறுகாய் ஆந்திரா ஸ்டைல் போடுவது எப்படின்னு பாப்போமா!!

INGREDIENTS பட்டியல்

உரித்த பூண்டு - 300 கிராம்,
மிளகாய்த்தூள் - 3/4 கப்,
உப்பு - 1/2 கப்
எலுமிச்சை ரசம் - 1 கப்
எண்ணெய் - 1 கப்
பெருங்காயம் - கொஞ்சமாக
கடுகு - 1/2 ஸ்பூன்
மஞ்சள் தூள் - சிட்டிகை.
வறுத்து பொடிக்க:
வெந்தயம் - 1/2 ஸ்பூன்,
சீரகம் - 1/2 ஸ்பூன்,
தனியா - 1/2 ஸ்பூன்,

செய்முறை பாப்போம்:

வெறும் வாணலியில் எண்ணெய் விடாமல் தனியா, சீரகம்,
வெந்தயம் தனித்தனியாக வறுத்து ஆறியதும் மிக்சியில் கொஞ்சம்
நர நரவென பொடித்துக்கொள்ளவும்.

பூண்டை தண்ணீர் விடாமல் குக்கரில் வைத்து ஸ்டீம் செய்து
எடுக்கவும். தண்ணீர் விடாமல் ரெண்டு விசில் விட்டால் கூட
போதும். வாணலியில் எண்ணெய் ஊற்றி காய்ந்ததும் கடுகு
சேர்த்து வெடித்ததும் பெருங்காயம், மஞ்சள் தூள் சேர்க்கவும்.

உடன் பூண்டு சேர்த்து நன்கு கலந்ததும், காரத்தூள், உப்பு,
பொடித்து வைத்திருக்கும் பொடி சேர்த்து உடன் அடுப்பை
அணைத்துவிடவும். நன்கு கிளறிவிட்டு எலுமிச்சை ரசத்தை
ஊற்றி கிளறவும். முதலில் மிக கெட்டியா இருக்கும். கொஞ்ச
நேரத்தில் எண்ணெய் பிரிந்து வந்து விடும்.

சுவையான, பூண்டு ஊறுகாய் ரெடி. காற்று புகாத பாட்டிலில்
போட்டு எடுத்து வைத்துக்கொள்ளவும். 3 மாதம் வரை கெடாது.
ஃபிரிட்ஜில் வைக்க வேண்டிய அவசியமில்லை.

கொத்தமல்லி சாதம்

2011-02-27T03:39:00.000-08:00

INGREDIENTS பட்டியல்

எங்க அம்மா ”கொத்தமல்லி சாதம்” செய்து தருவாங்க! அவங்க செஞ்சாங்கன்னா ”வாவ்” எனச் சொல்ல வைக்கும் தனி டேஸ்ட் தான். திருமணமான பிறகு நானும் நிறைய தடவை செய்து பார்த்துட்டேன். ஆனாலும், அம்மாவோட கைப்பக்குவம் அளவுக்கு வரலை. அதுக்காக ”நல்லா இருக்காதா?”ன்னு எல்லாம் கேட்கக்கூடாது. ரொம்பவே நல்லா இருக்கும். அம்மா பண்ணும்போது சாதம் தனியா வடிச்சுட்டு கலவைய போட்டு கலப்பாங்க. ஆனா நான் இங்கு குளிர்காலங்களில் தனித்தனியா செய்தா ஆறிடும்கறதனால, கீழ்க்கண்ட முறைப்படி பண்ணுவேன். உங்களுக்கு எப்படி வசதியோ அது மாதிரி செய்து சாப்பிடுங்க.

தேவையான பொருட்கள்:-

அரிசி – 1 தம்ளர்

கொத்தமல்லி – 1 கட்டு

வரமிளகாய் – 4 (அ) 5

சீரகம் – 1 டீஸ்பூன்

புளி – சிறிதளவு

உப்பு – தேவைக்கேற்ப

எண்ணெய் – தேவைக்கேற்ப

பச்சைப்பட்டாணி – 1 கையளவு

தாளிக்க:- கடுகு – சிறிதளவு

கடலைப்பருப்பு – அரை டீஸ்பூன்

உளுத்தம்பருப்பு – அரை டீஸ்பூன்

பெருங்காயம் – சிறிதளவு

செய்முறை:-

அரிசியை களைந்து தண்ணீரை வடித்து விட்டு 1 டீஸ்பூன் நெய் விட்டு பிசறி வைக்கவும். நீரில் அலசி சுத்தமாக்கிய கொத்தமல்லி, புளி, சீரகம், வரமிளகாய், உப்பு ஆகியவற்றை மிக்சியில் போட்டு சிறிது தண்ணீர் விட்டு மைய அரைக்கவும். அடுப்பில் குக்கரை வைத்து எண்ணெய் விட்டு சூடானதும் தாளிக்க கொடுத்துள்ள பொருட்களை தாளித்துக் கொள்ளவும். பிறகு பச்சைப் பட்டாணியை போட்டு இரண்டு நிமிடம் வதக்கியதும் அரைத்த கொத்தமல்லி விழுதையும் போட்டு நன்றாக வதக்கவும். பச்சை வாசனை போனதும், 1 தம்ளர் அரிசிக்கு 2 தம்ளர் தண்ணீ்ர் என்கிற விகிதத்தில் விட்டு கொதிக்க விடவும். கொதித்தவுடன் அரிசியை சேர்த்து குக்கரை மூடி 1 விசில் வந்ததும் அடுப்பை மிதமான சூட்டில் [சிம்மில்] 5 நிமிடங்கள் வைத்திருந்து அடுப்பை நிறுத்தி விடவும்.

பத்து நிமிடங்களுக்குப் பிறகு குக்கரைத் திறந்தால் சுடச்சுடச் சுவையான கொத்தமல்லி சாதம் தயார்! இந்த கொத்தமல்லி சாதத்தினை தனியாகவோ, வெங்காயத் தயிர் பச்சடியுடனோ சாப்பிடலாம்.

எப்போதும் எலுமிச்சை சாதம், தேங்காய் சாதம் போன்ற கலவை சாதங்களையே சாப்பிட்டு போரடித்து இருக்கும் எல்லோரும் இதை “வாவ், இது ரொம்ப நல்லா இருக்கே!” என்று உங்களுக்குப் புகழாரம் சூட்டுவாங்க!

ஆதி.

(B)பல்லே (B)பல்லே [Cho]சோலே

2011-02-09T07:53:00.000-08:00

INGREDIENTS பட்டியல்

வட இந்தியர்கள் சப்பாத்திக்குத் தொட்டுக் கொள்ள நிறைய சப்ஜி [Side Dish] செய்வார்கள். அதில் முக்கியமான சப்ஜிகளில் இந்த சன்னா மசாலாவும் ஒன்று. இதற்கு காபூலி [Kabooli] சன்னா, பெரியதாக இருக்கும் வெள்ளைக் கொண்டக் கடலை கிடைத்தால் நன்றாக இருக்கும். அப்படிப் பட்ட சன்னா மசாலா செய்முறையை தெரிந்து கொள்வோமா?

தேவையான பொருட்கள்:

வெள்ளை கொண்டக் கடலை – 1 கப்

வெங்காயம் – 2

தக்காளி – 3

இஞ்சி – 1 துண்டு

பச்சை மிளகாய் – 1

மிளகாய்ப் பொடி – ½ டீஸ்பூன்

தனியாப் பொடி – 1 டீஸ்பூன்

மஞ்சள் பொடி – ¼ டீஸ்பூன்

கரம் மசாலாப் பொடி – ½ டீஸ்பூன்

சோலே மசாலா – ½ டீஸ்பூன் (இப்போதெல்லாம் கடைகளிலேயே கிடைக்கிறது.)

உப்பு – தேவைக்கேற்ப

எண்ணெய் – தேவைக்கேற்ப

சீரகம் – ½ டீஸ்பூன்

கொத்தமல்லி – அலங்கரிக்க

எலுமிச்சைசாறு – புளிப்பு சுவை பிடித்தால், கடைசியில் சேர்த்துக் கொள்ளலாம்.

பூண்டு சேர்க்க விருப்பமுள்ளவர்கள் இரண்டு பல் பூண்டு சேர்த்துக் கொள்ளலாம். நான் பெரும்பாலும் சேர்ப்பது கிடையாது.

செய்முறை:

ஒரு கப் கொண்டக்கடலையை ஒரு பாத்திரத்தில் போட்டு மூழ்கும் அளவு தண்ணீர் விட்டு இரவு முழுவதும் ஊற வைக்கவும். காலையில் மேலே கொடுக்கப் பட்ட பொருட்களில் உள்ள வெங்காயம், தக்காளி, இஞ்சி, பச்சை மிளகாய் இவற்றுடன் பிடித்தால் பூண்டு சேர்த்து மிக்சியில் நன்றாக அரைத்துக் கொள்ளவும். வாணலியில் செய்வது போல குக்கரில் நேரிடையாக செய்யப் போகிறோம். அடுப்பை பற்ற வைத்து குக்கரை வைத்து அதில் எண்ணெய் விட்டு, அது காய்ந்ததும் சீரகத்தை போட்டு பொரிய விடவும். பின்பு அதில் அரைத்து எடுத்த வெங்காய-தக்காளி விழுதைச் சேர்த்து வதக்கிக் கொள்ளவும். இரண்டு நிமிடங்கள் வதங்கியதும் அதில் மேலே குறிப்பிட்டுள்ள மிளகாய்ப் பொடி, மஞ்சள் பொடி, தனியாப் பொடி, கரம் மசாலாப் பொடி, சோலே மசாலா, உப்பு ஆகியவற்றை சேர்த்து பச்சை வாசனை போகும் வரை வதக்கிக் கொள்ள வேண்டும். இப்படி வதக்க குக்கரின் மூடியை திருப்பிப் போட்டு மூடி வைத்தால் இந்த க்ரேவி நம் மேல் தெளிக்காமலும், கிச்சன் டைல்ஸ் மேலும் தெளிக்காமலும் இருக்கும்.

க்ரேவி நன்றாக வதங்கியதும் ஊற வைத்திருந்த கொண்டக் கடலையை குக்கரில் போட்டு தேவையான அளவு தண்ணீர் சேர்த்து (மூழ்கும் வரை) குக்கரை மூடி வெயிட் போட்டு அடுப்பை சிம்மில் (மிகவும் குறைந்த தணலில்) 25 நிமிடங்கள் வைத்து அடுப்பை நிறுத்தவும். சிறிது நேரங்கழித்து குக்கரைத் திறந்து விருப்பமிருந்தால் எலுமிச்சை சாறு சேர்த்துக் கொள்ளவும். கொத்தமல்லி இலைகளைப் போட்டு அலங்கரிக்கவும். சுவையான சன்னா மசாலா தயார்.

நான் முதலில் கொண்டக் கடலையை தனியாக வேக வைத்து க்ரேவி செய்து அதில் கலந்து கொண்டிருந்தேன். அதன் பிறகு என் தோழி ஷோபனாதான் க்ரேவியிலேயே கொண்டக்கடலையை வேக வைக்கும் முறையை சொல்லிக் கொடுத்தார். அவருக்கு என் நன்றி. இப்பொழுதெல்லாம் என்னவருக்கு நான் கொடுக்கும் மதிய உணவில் சோலே கொடுத்தால் அதை சாப்பிடும் அவரது அலுவலக நண்பர்கள் பஞ்சாபிகள் செய்தது போலவே இருக்கிறது என்கிறார்களாம். நீங்களும் செய்து உங்களவரை அசத்துங்களேன்!!!. சாப்பிட்டு உங்களவர் “(B)பல்லே (B)பல்லே” என ஒரு பஞ்சாபி பாங்க்ரா நடனமே ஆடுவார்!!!

மீண்டும் வேறு ஒரு பதிவில் சந்திக்கிறேன்.

ஆதி

சத்துமிக்க தானியங்கள்

2011-02-03T05:30:00.000-08:00

சத்துமிக்க தானியங்கள்.

(அட்டவணையை பெரிதாக்கிப் பார்க்கலாம்.)
நோய்களுக்கு மூலகாரணம் மலச்சிக்கல் என்பார்கள். பொதுவாக அரிசி, கோதுமையை காட்டிலும் அதிக நார்சத்து (5 முதல் 50 மடங்கு) உள்ள இந்த தானியங்களால் மலச்சிக்கல் தவிர்க்கப்படுகிறது. கால்சிய சத்தைப் பொறுத்த வரையில் சுமார் 30 மடங்கு அரிசியை காட்டிலும் ராகியில் உண்டு எனவே எலும்புகள் மற்றும் பற்கள் உறுதியான உடலமைப்பையும், ஆரோக்கியத்தையும் தரும். இந்தியக் குழந்தைகள் சத்துக் குறைபாட்டுடன் இருப்பதாக புள்ளி விபரங்கள் காட்டுகின்றன. அதற்கு நிவாரணம் இந்த சத்துமிக்க சிறுதானியங்கள் தான். சத்துகள் பற்றிய அட்டவணையை பாருங்கள்.
நன்றி மரவளம் வின்சென்ட்

POPEYE ஆகணுமா - பாலக் பனீர்!

2011-01-23T06:55:00.000-08:00

INGREDIENTS பட்டியல்

என்னுடைய கோவை2தில்லி வலைப்பூவில் எழுதியதன் மீள்பதிவு இது.

சென்ற பதிவான சப்பாத்தி சுட்டுச் சுட்டு போடட்டுமா-வில் சப்பாத்திக்குத் தொட்டுக்கொள்ள தேவையான எனக்குத் தெரிந்த வடஇந்திய சப்ஜி வகைகளின் செய்முறையை எழுதுவதாகச் சொல்லி இருந்தேன். இந்த இடுகையில் பாலக் பனீர் செய்வது எப்படி என்று பார்க்கலாம். ஹிந்தியில் ”பாலக்” என்றால் பசலைக் கீரை. பசலைக் கீரையில் விட்டமின் A, K, C, B2, B6 போன்ற பலவிதமான சத்துக்கள் இருக்கின்றன. அதில் போடும் மற்ற பொருளான பனீரிலும் சுண்ணாம்புச் சத்து கிடைக்கும்.

ஆங்கிலத்தில் பாலக் கீரையை Spinach என்று சொல்வார்கள். “THE POPEYE SHOW” பார்த்து ரசிக்காத யாரும் உண்டோ. அதில் பாலக் சாப்பிட்ட உடன் அவருக்கு அப்படி ஒரு சக்தி வரும் இல்லையா, அது போல இந்த பாலக் பனீர் சாப்பிடுங்க, நல்ல சக்தி கிடைக்கும்!

தேவையான பொருட்கள்:

பாலக் [பசலைக்கீரை] : 1 கட்டு.

வெங்காயம் : 2

தக்காளி : 2

பச்சை மிளகாய் : 1 அல்லது 2

இஞ்சி : 1 துண்டு

மிளகாய்த் தூள் : அரை டீ ஸ்பூன்

மல்லித் தூள் : 1 டீ ஸ்பூன்

கரம் மசாலா : ½ டீ ஸ்பூன்

சீரகம் : ½ டீ ஸ்பூன்

மஞ்சள் பொடி : ¼ டீ ஸ்பூன்

உப்பு : தேவைக்கேற்ப

எண்ணை : சிறிதளவு [வதக்க]

பனீர் : 200 கிராம்

செய்முறை:

”பாலக்” கீரைக் கட்டினைப் பிரித்து, இலைகளைத் தனியாக ஆய்ந்து, தண்ணீரில் நன்கு சுத்தம் செய்யவும். குக்கரில் வெயிட் போடாமல் 10 நிமிடங்களுக்கு ஆவியில் வைக்கவும்.

வெங்காயம், தக்காளி, இஞ்சி, பச்சை மிளகாய் ஆகியவற்றை மிக்சியில் மைய அரைத்துக்கொள்ளவும்.

ஒரு வாணலியில் எண்ணை விட்டு, சீரகம் போட்டு தாளித்து அரைத்து எடுத்த விழுதினைப் போட்டு இரண்டு நிமிடங்கள் வதக்கவும். வதக்கிய பின் அதில் மிளகாய்த் தூள், மல்லித் தூள், கரம் மசாலா, மஞ்சள் தூள், உப்பு ஆகியவற்றைப் போட்டு நன்கு வதக்கவும்.

வெந்து இருக்கும் பாலக் கீரையை எடுத்து ஆற வைத்து மிக்சியில் நன்கு அரைக்கவும். அரைத்து எடுத்த பாலக் கீரை விழுதை வாணலியில் வதங்கி உள்ள க்ரேவியில் போட்டு சிறிதளவு தண்ணீர் விட்டு கொதிக்கவிடவும்.

பிறகு பனீரை நன்கு தண்ணீரில் சுத்தம் செய்து, சின்னச் சின்னத் துண்டுகளாய் வெட்டி எடுத்து கொதித்துக் கொண்டு இருக்கும் பாலக் கலந்த க்ரேவியில் போடவும். போட்டு ஒரு கொதி வந்த பிறகு இறக்கி வைத்து சூடாகப் பரிமாறவும். பனீர் போட்ட பிறகு நிறைய கொதிக்க விட்டால், பனீர் கெட்டிப்பட்டு சுவை மாறிவிடக்கூடும். இந்த பாலக் பனீர் ஃபுல்கா ரொட்டி, சப்பாத்தியுடன் சாப்பிடலாம்.

மீண்டும் வேறு ஒரு பதிவில் சந்திப்போம் .

ஆதி

hotel gravy வீட்டிலே - ரெசிப்பிக்களுடன் - 2

2011-01-21T00:56:00.000-08:00

என்ன பேசிக் க்ரேவி செஞ்சு வெச்சுக்கிட்டீங்களா?
இந்த க்ரேவியை நாம ஒரு வாரத்துக்குத் தேவையான அளவு
செஞ்சு ஃப்ரிட்ஜல் வெச்சுக்கிடலாம். அப்புறம் கலக்கலா
ரெசிப்பிக்கள் செய்ய வேண்டியத் தான்.

என்னென்ன ரெசிப்பிக்கள் செய்யலாம்னு பாப்போம்.

பனீர் பட்டர் மசாலா:

INGREDIENTS பட்டியல் தாளிக்க: பொடிசாக நறுக்கிய குடைமிளகாய்- 1 ஸ்பூன்
கசூரி மேத்தி கொஞ்சம், ஜீரகம் கொஞ்சம், தக்காளி அரிந்தது
1

பனீர் துண்டுகள் 200 கிராம்.

செய்முறை:
கடாயில் 1 ஸ்பூன் எண்ணெய் வைத்து ஜீரகம், கசூரி மேத்தி,
குடமிளகாய் சேர்த்து தாளிக்கவும் பிறகு தக்காளி சேர்த்து
வதக்கவும்.

நறுக்கி வைத்திருக்கும் பனீர் துண்டுகளை சேர்த்து வதக்கி
தேவையான அளவு பேசிக் க்ரேவியை சேர்க்கவும்.

இப்பொழுது மிளகாய்த்தூள், தனியா தூள், கொஞ்சம் கரம் மசாலா
(எல்லாம் பேசிக் க்ரேவிலியே இருக்கு, ஆனாலும் ருசிக்காக
கொஞ்சம் தனியாக சேர்க்க வேண்டும்)
சேர்த்து 1 கப் தண்ணீர் சேர்த்து கொதிக்க விட்டால் ரெடி.
கம கம பனீர் பட்டர் மசாலாவை க்ரீம் அல்லது பட்டர்
மேலே விட்டு பரிமாறவும்.

இந்த பேசிக் க்ரேவி சேத்து செஞ்சா அது ஹரியாலை பனீர்
இல்லாட்டி வெறும் பாலக், வெங்காயம் சீரகம் கொதிக்க வைத்து
அரைத்து செஞ்சா அது பாலக் பனீர். (பனீருக்கு பதில் ஆலு சேர்த்தால்
ஆலூ பாலக்) பனீரை துறுவி அலங்கரிக்கலாம்.

INGREDIENTS பட்டியல் இதுக்கு பேசிக் க்ரேவி தயாரிப்பது இப்படித்தான்.

தாளிக்கும் பொழுது பட்டை, லவங்கம், பிரிஞ்சி இலை,
இஞ்சி பூண்டு விழுது, ஜீரகம் எல்லாம் சேர்த்து தாளித்து
அதில் தக்காளி விழுதை போட்டு கொதித்ததும், வெங்காயப்
பேஸ்டுடன் கொஞ்சம் தண்ணீர் சேர்த்து உப்பு, தனியா தூள்
மிளகாய்தூள், சீரகத்தூள், மஞ்சள் பொடி சேர்த்து வதக்கினால்
பஞ்சாபி பேசிக் க்ரேவி ரெடி.

சன்னாவை ஊற வைத்து வேகவைத்துக்கொள்ளவும்.

செய்முறை:
கடாயில் 1 ஸ்பூன் எண்ணெய் ஊற்றி ஜீரகம், கசூரி மேத்தி,
குடமிளகாய், இஞ்சி துண்டுகள் (பொடிதாக அரிந்தது)
பூண்டு(பொடிதாக அரிந்தது) சேர்த்து தாளிக்கவும்.

இதில் பேசிக் க்ரேவியைச் சேர்த்து கொஞ்சம் கரம் மசாலா,
தனியா தூள், சீரகத்தூள், மிளகாய்த்தூள் சேர்த்து அத்துடன்
வேக வைத்திருக்கும் சன்னாவையும் சேர்த்து கொதிக்க
விட்டால் சன்னா மசாலா ரெடி.

(க்ரேவி கொஞ்சம் கெட்டியாக வேண்டும் என்று விரும்பினால்
அரைக்கும் விழுதுடன் கொஞ்சம்(2 ஸ்பூன் அளவு) சன்னாவை
சேர்த்து அரைத்து சேர்க்கவும்)

கொத்துமல்லித் தூவி வட்ட வட்ட வெங்காயத்துடன்
பரிமாறலாம்.

இதே முறையில் ராஜ்மா, தால்மக்கனி செய்யலாம்.
தால்மக்கனிக்கு அதிகம் பட்டர் சேர்க்க வேண்டும்.
இஞ்சி போடாமல் பூண்டு மட்டும் சேர்க்க வேண்டும்.

வீக் எண்ட்ல செஞ்சு அசத்துங்க.

HAPPY WEEKEND

HOTEL GRAVY - வீட்டிலேயே செய்யலாம்.

2011-01-20T01:05:00.000-08:00

நாம என்னதான் பனீர் பட்டர் மசாலா, தால் மக்கனி,
சன்னா மசாலா வீட்டுல செஞ்சாலும் ,”நல்லாயிருக்குன்னு!”
பசங்களும், கணவரும் சொல்வாங்க தான். உண்மையில்
ஹோட்டல் க்ரேவி மாதிரி வரமாட்டீங்குதேன்னு நமக்கேத்
தோணும். ருசி சரியா இருந்தாலும் அந்த க்ரேவி டேஸ்ட்
வித்யாசமா இருக்கும்.

தக்காளி வெங்காயம் அரைச்சு மசாலா சேத்து, ஊற வெச்சிருக்கும்
சன்னாவையும் போட்டு குக்கரில் 5 விசில் அடிச்சா சன்னா
மசாலா ரெடின்னு நானும் தாங்க நினைச்சிருந்தேன். ஆனா
இப்ப நாம செய்யற சன்னா செம டேஸ்டா இருக்குன்னு
பசங்க பாராட்டு மழை தான். அந்த ரகசியத்தை உங்களுக்கும்
சொல்றேன்.

ஹோட்டலில் சமையல் கலரை கொட்டித்தான் சமைக்கிறாங்க.
அதனால கலர் அந்த மாதிரி கிடைக்காது. கலர் போடுவதில்
எனக்கு உடன் பாடில்லை. அதனால் இயற்கையான நிறம்
அருமையான ஹோட்டல் சுவை க்ரேவி செய்வோமா!!!

முதல்ல BASIC GRAVY செஞ்சு வெச்சுக்கணும்.
அதை எப்படி செய்வதுன்னு பாப்போம்.

BASIC GRAVYல 3 க்ரேவி வேணும்.

WHITE PASTE, YELLOW PASTE, RED PASTE

WHITE PASTE:
க்ரேவி முந்திரி அல்லது சமைக்கும் முந்திரி - 50 கிராம்
தர்பூஸ் பழ விதைகள் - 1 ஸ்பூன்.

(இவை பெரிய சூப்பர் மார்க்கெட்டுகளில் கிடைக்கும்)
இரண்டையும் நன்கு கொதிக்க வைத்து, ஆறியதும்
மைய அரைத்துக்கொண்டால் வொயிட் பேஸ்ட் ரெடி.

YELLOW PASTE:
பெரிய வெங்காயம் வெட்டியது - 4
இதை கொதிக்கும் தண்ணீரில் போட்டு, மஞ்சள் தூள் சேர்த்து
வேகவைத்து வடிகட்டி அரைத்தால் மஞ்சள் பேஸ்ட்.
(வெங்காயத்தை வேக வைப்பதால் பச்சை வாசனை
போய் திக் க்ரேவி கிடைக்கும்)

RED PASTE:
5 தக்காளியை மிக்ஸியில் அடித்து வைத்து கொண்டால்
ரெட் பேஸ்ட் ரெடி.

இதை வெச்சுகிட்டு பேசிக் க்ரேவி எப்படி செய்வதுன்னு
பாப்போம். மேலே சொல்லியிருக்கும் க்ரேவியும் சம அளவுல
வர்ற மாதிரி பாத்துக்கணும்.
1 கப் WHITE PASTE + 1 கப்YELLOW PASTE + கப் RED PASTE

BASIC GRAVY செய்முறை:

கடாயில் ஒரு ஸ்பூன் எண்ணெய் ஊற்றி பிரிஞ்சி இலை,
1 துண்டு லவங்கப்பட்டை, 2 ஏலம், 1 ஸ்பூன் இஞ்சி, பூண்டு விழுது
சேத்து நல்லா வதக்கணும்.

அடுத்து தக்காளி பேஸ்டை ஊத்தி நல்லா கொதிக்க விடணும்.
அடுத்ததா மஞ்சள் பேஸ்ட், கடைசியா வெள்ளை பேஸ்ட்
சேர்த்து கொஞ்சமா தண்ணீ சேர்த்து நல்லா கொதிக்க விடணும்.

தேவையான அளவு உப்பு, மிளகாய்த்தூள், தனியா தூள், ஜீரகப்பவுடர்,
கரம் மசாலா தலா ஒரு ஸ்பூன் சேர்த்து நல்லா வதக்கினா
பேசிக் க்ரேவி ரெடி

இதை வெச்சு ஹோட்டல் க்ரேவி டேஸ்ட்ல எப்படி சமைப்பது?
அடுத்த பதிவு அதான்.

தேப்லா

2011-01-19T02:22:00.000-08:00

தொட்டுக்கொள்ள சைட் டிஷ் ஏதும் தேவையில்லாத ஒரு சப்பாத்தி
வகை இது. இது குஜராத்தியரின் உணவு. பிள்ளைகள் விரும்பினால்
தேன் இருந்தால் கூட போதும். ஜமாய்த்து விடலாம். பள்ளிக்கு
அனுப்ப ஒரு சூப்பர் டிஷ். பயணத்தின் போது எடுத்துச் செல்ல
நல்ல துணை. 3 நாள் ஆனாலும் கெடாது.

INGREDIENTS பட்டியல் கோதுமை மாவு - 1 கப்,தயிர்/மோர் 1/2 கப் மிளகாய்த்தூள் 1/2 ஸ்பூன், உப்பு தேவையான அளவு, தனியா பொடி 1 ஸ்பூன், எண்ணெய்- 1 ஸ்பூன், நெய் அல்லது எண்ணெய் சப்பாத்தி சுட விருப்பப்பட்டால் கசூரி மேத்தி கொஞ்சம்.

மாவு, உப்பு, மிளகாய்த்தூள், தனியாத்தூள், கசூரி மேத்தி எல்லாம்
ஒரு பாத்திரத்தில் போட்டு கொஞ்சம் கொஞ்சமாக தயிர் விட்டு
(தண்ணீர் சேர்க்க வேண்டாம்) பிசையவும். கொஞ்சம் எண்ணெய்
விட்டு நன்கு கைகளால் பிசைந்து 10 நிமிடவும் ஊற விடவும்.

தேவையான அளவில் உருண்டை செய்து சப்பாத்தி செய்வது
போல செய்து தவாவில் போட்டு சுட்டு எடுக்கவும். இருபுறமும்
நன்கு சிவக்க எடுக்கவும். நெய் விட்டு சுட்டு எடுத்து வைத்தால்
தேப்லா ரெடி. சுடச்சுட அதிக காரமில்லாமல் தொட்டுக்கொள்ள
ஏதும் தேவையில்லாமல் சுவையான தேப்லா ரெடி.

சிலர் கொஞ்சம் கடலைமாவு சேர்த்து செய்பவர்களும் உண்டு.

வகை வகையாய்... சுடச் சுட சப்பாத்தி

2011-01-18T00:20:00.000-08:00

இந்தக் குளிர் காலத்தில் இதமாக இருப்பது சப்பாத்திதான்.
வரண்டு போகாது. சப்பாத்தி ப்ரியர்களுக்காக சில வகை சப்பாத்திக்கள்
மற்றும் அவற்றிற்கு தோதான சைட் டிஷ்கள் இனி வரும் பதிவுகளில்.

ரோட்டி மேக்கர் அது இதுன்னு ஆயிரம் வந்தாலும் நம் கையால்
குழவி கொண்டு செய்யும் சப்பாத்தியின் சுவைக்கு ஈடு இணையே கிடையாது.

இங்கே போனால் மாவு பிசைவது எப்படி என்பதிலிருந்து சப்பாத்தி
செய்வது வரை படங்கள் கொடுக்கப்பட்டிருக்கும்.

மாவு கலக்கும் பொழுது சோடா, ஈஸ்ட் எதுவும் சேர்க்க தேவையில்லை.
கொஞ்சம் சூடான தண்ணீர் விட்டு பிசிறினாற்போல மாவை சேர்த்து
கொஞ்சம் கொஞ்சமாக தண்ணீர் விட்டு, பிறகு கொஞ்சம் எண்ணெய்
விட்டு பிசைந்தாலே போதும். நான் சப்பாத்தியில் உப்பு சேர்ப்பது இல்லை.
சோறு சமைக்கும் பொழுது அதில் உப்பு போட்டு சமைப்பதில்லை. மற்ற
டிஷ்களில் இருக்கும் உப்பே அதற்கு போதுமானது. அதே போல் சப்பாத்திக்கும்
உப்பு போடாமல் செய்தாலும் சுவையாகவே இருக்கும்.

அதிகம் எண்ணெய் விடாமல் (மாவிலும் சரி, சுடும் பொழுதும் சரி)
செய்வது புல்கா/ரோட்டி

எண்ணெய் விட்டு பிசைந்து முக்கோணம் போல் மடித்து போட்டு
செய்வது சப்பாத்தி. சிலருக்கு இப்படி செய்யும் பொழுது முக்கோணமாக
வரும். பரவாயில்லை. நடுவில் குழி விழுந்து, ஓரம் கட்டியாக வராமல்
செய்தால் போதும். ஷேப்பை பற்றி கவலைப்பட வேண்டாம். சித்திரமும்
கைப்பழக்கம். பழக பழக அழகான ஷேப் வந்துவிடும்.

இந்த வீடியோவில் சப்பாத்தி செய்வது எப்படின்னு
காட்டியிருக்காங்க.

INGREDIENTS பட்டியல் கோதுமை மாவு - 2 கப், கொஞ்சம் சுடு தண்ணீர், 2 ஸ்பூன் சமையல் எண்ணெய்,

நாட்டுக்காய்களின் மகத்துவம்

2009-12-14T08:06:00.000-08:00

நாட்டுக்காய்களை விரும்பாத பலர் இருக்கலாம். அல்லது அதன் பயனை அறியாமலே சாப்பிட்டுக்கொண்டு இருக்கலாம். நாட்டுக்காய்களின் சிறப்பைச் சொல்லவிழைகிறார் பதிவர் சங்கவி ஆரோக்கியமாய் இருக்கவேண்டுமா ? இதையெல்லாம் சாப்பிடலாமே?

ஆந்திரா துவையல் வகைகள்

2009-06-25T03:22:00.000-07:00

ஆந்திராவில் ஊறுகாய்க்கு அடுத்து சமையலில்
முக்கிய இடம்பெறுவது பச்சடி என அழைக்கப்படும்
துவையல்.

வெள்ளரிக்காய், கறிவேப்பிலை, கொத்துமல்லி,
தேங்காய், பீர்க்கங்காய் தோல், சொள சொள தோல்
என பல வகை துவையல்கள். மேற் சொன்ன எல்லாவற்றிற்கும்
வறுத்துக்கொள்ளும் அயிட்டம் மட்டும் ஒன்று தான்.

INGREDIENTS பட்டியல்: தனியா - 1 ஸ்புன், மி.வற்றல் - தேவையான அளவு, வெந்தயம் 1/2ஸ்பூன், புளி சிறிதளவு, உப்பு தேவையான அளவு

செய்முறை:

பட்டியலில் உள்ள சாமான்களில் புளியைத் தவிர
மற்றவற்றை வாணலியில் எண்ணெய்
1 ஸ்புன் ஊற்றி பொன்னிறத்தில் வறுத்துக்கொள்ளவும்.

கறிவேப்பிலை, கொத்துமல்லி மட்டும் அந்த வாணலியில்
கொஞ்சம் பிரட்டிக்கொண்டால் 1 வாரம் வரைக் கெடாது.

மாங்காய் பச்சடி:

பட்டியலில் இருக்கும் சாமான்களில் புளி மட்டும் வேண்டாம்.

மாங்காயை கழுவி துண்டுகளாக்கிக்கொள்ளவும்.

மிக்ஸியில் வறுத்து வைத்திருக்கும் சாமான்களை பொடியாக்கிக்கொண்டு
மாங்காய் துண்டுகளைப்போட்டு அதிகம் மைய்ய அரைக்காமல்
படத்தில் இருப்பது போல் அரைத்தால் துவையல் ரெடி.

உப்பு,புளி,காரச்சுவையுடம் மாங்காய்த் துவையல்.
சோற்றில் பிசைந்து கொள்ளலாம். இட்லி,தோசை,
சப்பாத்திக்கு சைட் டிஷ்ஷும் ஆச்சு.

ஃப்ரிட்ஜில் 1 வாரம் வரை வைக்கலாம்.

தோசாவக்காய...

2009-04-23T02:28:00.000-07:00

என்னது தோசையில் ஆவக்காயான்னு குழம்பாதீங்க.
மஞ்சள் வெள்ளரிக்காயில் போடும் ஊறுகாய் இது.
(ஆந்திரா ஷ்பெஷல்னு சொல்லணுமா!!!))

மாங்காய் ஆவக்காயை விட வேலையும் குறைவு,
ஒரே நாளில் உபயோகிக்கவும் துவங்கலாம்.
அதான் இந்த ஊறுகாயின் ஷ்பெஷாலிட்டி.

செய்வது எப்படின்னு பாப்போம். தேவையான
பொருட்கள் இதோ:

INGREDIENTS பட்டியல் மஞ்சள் வெள்ளரிக்காய் -1, நல்லெண்ணெய் 1 கப், அதே கப்பில் அளந்த மிளகாய்த்தூள் 1 கப், 1 கப் உப்பு, கடுகுபொடி 1 கப்

மஞ்சள் வெள்ளரிக்காயில் விதையை எடுத்துவிட்டு
படத்தில் காட்டியிருப்பது போல் வெட்டி வைத்துக்கொள்ளவும்.

வெள்ளரிக்காய் துண்டங்களுடன் உப்பு,காரம், கடுகு பொடி,
எண்ணெய் எல்லாம் சேர்த்து கலக்கி பாட்டில் போட்டு வைக்கவும்.

அடுத்த நாள் ஊறுகாய் ரெடி. சுடு சோற்றில் ஊறுகாய் போட்டு
நெய் சேர்த்து பிசைந்து சாப்பிட்டால்......... :)))

கடுகு பொடி கிடைக்கவில்லை என்றால் கடுகை மிக்சியில்
சுற்றி நாமே பொடி செய்து கொள்ளலாம்.

(ஆந்திரா ஷ்பெஷல் உணவுகள் இந்த ப்ளாக்கில்
தொடரும் :)) )

ராகி சங்கட்டி

2009-04-02T20:49:00.001-07:00

INGREDIENTS பட்டியல் ராகி(கேப்பை மாவு) 1 கப், சமைத்த சோறு - 1 கப், உப்பு தேவையான அளவு, நெய் - 1 ஸ்பூன்.

செய்முறை:

கொஞ்சம் குழைவாக சமைத்த சோற்றில் தேவையான அளவு
உப்பு், 1 கப் தண்ணீர் சேர்த்து கரைத்து வைக்கவும்.

1 கப் ராகிக்கு 3 கப் தண்ணீர், தேவையான உப்பு சேர்த்து
கரைத்து வைக்கவும்.

அடுப்பை பற்றவைத்து, அடி கனமான பாத்திரம் வைத்து
அதில் கரைத்து வைத்திருக்கும் சோற்றை போட்டு கிளறவும்,
கொஞ்சம் கொதிக்க ஆரம்பிக்கும் நேரத்தில் கரைத்து
வைத்திருக்கும் கேப்பை மாவையும் ஊற்றி கைவிடாமல்
கிளறி, பாத்திரத்தில் ஒட்டாமல் வரும்பொழுது நெய்
சேர்த்து மேலும் கிளறி இறக்கினால் சங்கட்டி ரெடி.

இதற்கு சரியான ஜோடி பூண்டுக்குழம்பு அல்லது வடைகறி.

கேப்பை உடலுக்கு மிகவும் நல்லது. குளிர்ச்சி தரும்.

சர்க்கரை வியாதிக்காரர்களுக்கு இவ்வுணவு மிக
உதவும்.

1.சமைத்த சோறு இல்லாவிட்டால் அரிசியை
மிக்சியில் போட்டு உடைத்து(அரிசி உப்புமா
செய்யும் பதம்) சோறு சமைத்து சேர்க்கலாம்.

மசாலா டீ

2009-02-23T23:30:00.000-08:00

INGREDIENTS பட்டியல்

வட இந்தியாவில் மசாலா டீ மிக பிரபலம்.

தென்னிந்தியாவிலும் இஞ்சி டீ, ஏலக்காய் டீ
தயாரிப்போம். இங்கே ஹைதைராபாத்தில் இரானிடீ
மிகப் பிரபலம்.

எனக்கு கடையில் வாங்கி மசாலா சேர்ப்பது
பிடிக்காது. நான் வீட்டிலேயே மசாலா செய்து
வைத்துக்கொள்வேன். அந்த செய்முறையை
உங்களுடன் பகிர்ந்து கொள்கிறேன்.

தேவையான சாமானகளின் புகைப்படம் மேலே இருக்கிறது.

ஏலம், லவங்கம், மிளகு இவை சமமாக 1 கப் (தனித் தனியாக)
பட்டை 1, ஜாதிக்காய் 1(தோல் நீக்கி கொஞ்சம் தட்டிக்கொள்ளவும்)
சுக்குபொடி - 2 அல்லது 3 ஸ்பூன்.

ஒவ்வொரு சாமானையும் மைக்ரோ அவன் பாத்திரத்தில்
போட்டு மூடி 1 நிமிடம் வைத்து எடுத்து வைக்கவும்.
ஆறியதும் மிக்ஸியில் இட்டு பொடித்து காற்றுப்புகாத
டப்பாவில் வைத்துக்கொண்டால் மசாலா டீ தயாரிக்கும்
பொழுது உபயோகிக்கலாம்.

மசாலா டீ செய்முறை:

டீக்கு தண்ணீர் வைக்கும் பொழுது டீத் தூளை
போடும் முன்னர் தேவையான அளவு (1/2 ஸ்பூன் 4 பேருக்கு)
மசாலா தூள் போட்டு கொதித்ததும் டீத் தூளை
போட்டு பிறகு பால், சர்க்கரை சேர்த்து
வடிகட்டினால் மசாலா டீ ரெடி.

மைக்ரோ அவனில் காபி

2008-10-01T15:47:00.000-07:00

மைக்ரோ அவனில் காபி சூடு செய்தால் சுவையா
இருக்குமா என்று முத்துலெட்சுமி கேட்டிருந்தார்.
அவருக்காக இந்தப் பதிவு.

மைக்ரோ அவனில் காபி கலந்தால் அதன்
சுவையே வேறு. நல்ல மணமாகவும் இருக்கும்.

ஃபில்டர் காபி என்ற பதிவுக்கு.

இன்ஸ்டண்ட் காபி பொடியில் காபி கலக்க:

முதலில் தேவையான பொடியை போட்டு
1/4 கப் தண்ணீர் சேர்த்து கலந்து
அவனில் 40 செகண்ட்ஸ்
வைக்கவும்.

பிறகு சர்க்கரை, பால் சேர்த்து கலந்து
மேலும் 20 நொடிகள்
வைக்கவும்.

1 நிமிடத்தில் காபி ரெடி. வெளியே
எடுக்கும் போதே வாசனை ஊரைக்கூட்டும்.

டிகாஷனில் காபி மைக்ரோ அவனில்.

டிகாஷன், சர்க்கரை, பால் இவைகளை கப்பில்
ஊற்றி கலந்து 1 நிமிடம் வைத்து எடுத்தால்
சுடச்சுட காபி ரெடி.

(முன்பே சொல்லியிருப்பது போல் திரவ பதார்த்தங்களை
வெளியே எடுக்கும் போது முகத்தை அருகில் கொண்டு
செல்லாதீர்கள்)

மைக்ரோ அவனில் சாம்பார்

2008-10-01T06:25:00.000-07:00

மைக்ரோ அவனில் சாம்பார் செய்தால் சுவையும்
ருசியும் சூப்பராக இருக்கும்.

பருப்பை அவனில் வைத்தால் குறைந்தது 20 நிமிடம்
ஆகும். கரண்ட் வேஸ்ட். குக்கரில் வேகவைத்துக்
கொள்ளவும்.

எலுமிச்சை அளவு புளி 2 டம்பளர் நீரில் ஊற வைத்து
கறைத்து வைத்துக்கொள்ளவும்.

சாம்பார் பொடி 1 1/2 ஸ்பூன்.

உப்பு தேவையான அளவு.

கறிவேப்பிலை - 1 ஈர்க்கு

ந.எ. 1 ஸ்பூன் (தாளிக்க)

வெங்காயம் - 1 நீள் வாக்கில் அரிந்தது.

a href="http://3.bp.blogspot.com/_wmk87qqNIgw/SON6wohL9CI/AAAAAAAABI4/HuVVrMBeC8A/s1600-h/sambhar.bmp">

செய்முறை:

மைக்ரோ அவன் பாத்திரத்தில் 1 ஸ்பூன் நல்லெண்ணெய்
ஊற்றி, கடுகு, கடலைப்பருப்பு, உளுத்தம்பருப்பு
போட்டு மூடி 2 நிமிடம் வைக்கவும்.

தாளித்து முடிந்ததும் வெளியே எடுத்து
கறிவேப்பிலை, வெங்காயம் சேர்த்து
பிரட்டி 3 நிமிடம் வைக்கவும்.

வெளியே எடுத்து உடன் சாம்பார் பொடி,
உப்பு சேர்த்து பிரட்டவும்.

கரைத்து வைத்திருக்கும் புளித்தண்ணீர்
சேர்த்து அவனில் 5 நிமிடம் வைக்கவும்.

5 நிமிடங்கள் கழித்து வெளியே எடுத்து
வேக வைத்திருக்கும் பருப்பை சேர்த்து
மேலும் 3 நிமிடம் வைத்து எடுக்கவும்.

சுவை, மணம் மிக்க சாம்பார் ரெடி.

காய் சேர்க்க விரும்பினால்:

தேவையான காய்களை 1 ஸ்பூன்
தண்ணீர் சேர்த்து 2 நிமிடம் வைக்கவும்.
வெளியே எடுத்து கொஞ்சம் உப்பு
சேர்த்து பிசிறி 2 நிமிடம் வைக்கவும்.

சாம்பாருக்கு பருப்பு சேர்க்கும் பொழுது
வேகவைத்து வைத்திருக்கும் காய்கறியையும்
சேர்த்து கலக்கி வைத்தால் போதும்.

மைக்ரோ அவனில் வெங்காயச் சட்னி.

2008-09-25T21:53:00.000-07:00

இட்லி,தோசைக்கு இணையான ஜோடி தக்காளி
வெங்காயச் சட்னிதான். தேங்காய்ச் சட்னியுடன்
ஒப்பிடும் பொழுது இதில் கொழுப்புச் சத்து குறைவு.
இதனாலேயெ டயட்டில் இருப்பவர்களும் இதை
விரும்புகிறார்கள்.

காலை அவசரத்தில் தக்காளி, வெங்காயம்
வதக்கிக்கொண்டு இருக்க நேரம் இருக்காது.
அப்போது மைக்ரோ அவனில் செய்வேன்.
அதை இங்கே உங்களுடன் பகிர்ந்து கொள்கிறேன்.

INGREDIENTS பட்டியல் பெரிய வெங்காயம் - 2 ( நீளவாக்கிலோ, பொடியாகவோ அரிந்து கொள்ளவும்), தக்காளி - 1, காய்ந்த மிளகாய் - 2, எண்ணெய் - 1/2 ஸ்பூன்,

மேற்சொன்னவை எல்லாவற்றையும் கலந்து
மைக்ரோ அவன் பாத்திரத்தில் போட்டு 5 நிமிடங்கள்
வைத்தால் நன்கு வதங்கிவிடும். நடுவில் ஒரு
முறை வெளியே எடுத்து திருப்பி விடவும்.
சூடு ஆறியதும் உப்பு சேர்த்து மிக்சியில் அடித்தால்
சட்னி ரெடி.

உளுத்தம் பருப்பு சேர்த்து செய்யும் சட்னிக்கு கூட
முதலில் எண்ணெய் விட்டு அதில் உ.பருப்பு சேர்த்து
2 நிமிடம் வைக்கவும். பிறகு தக்காளி வெங்காயம்,
மிளகாய் சேர்த்து மேலும் 4 நிமிடங்கள் வைத்து
ஆறியதும் அரைக்கலாம்.

சுலபாமனது. செய்து பார்த்து சொல்லுங்கள்>

சேமியா உப்புமா செய்யலாமா?

2008-09-08T21:36:00.000-07:00

மைக்ரோ அவனில் சேமியா உப்புமா செய்வது எப்படின்னு
பார்க்கலாம் வாங்க.

INGREDIENTS பட்டியல் வறுத்த சேமியா - 2 கப், நீளவாக்கில் அரிந்த வெங்காயம் - 1, பச்சை மிளகாய்- 1 நீளவாக்கில் அரிந்து கொள்ளவும்,
கறிவேப்பிலை கொஞ்சம், தாளிக்க கடுகு, உளுத்தம்பருப்பு, கடலைப்பருப்பு, எண்ணெய். சுடு தண்ணீர் - 2 கப், உப்பு தேவைக்கேற்ப

1. மைக்ரோ வேவ் பாத்திரத்தில் தாளிக்க கொடுத்திருக்கும்
சாமான்களை சேர்த்து மூடி 3 நிமிடம் வைக்கவும்.
(மூடாமல் வைத்தால் கடுகு, எண்ணெய் ஆகியவை தெளித்து
அவனை சுத்தமாக துடைக்க வேண்டியது ஆகும்)

2. எடுத்து வெங்காயம் சேர்த்து மேலும் 3 நிமிடங்கள்
வைக்கவும்.

3.வறுத்த சேமியா, சுடு தண்ணீர், உப்பு சேர்த்து
நன்கு கலக்கி 5 நிமிடங்கள் மைக்ரோ ஹையில்
வைக்கவும்.

4. எடுத்து ஒரு முறை நன்கு கிளறி தேவையெனில்
மேலும் 2 நிமிடங்கள் வைக்கவும்.

சேமியா உப்புமா ரெடி.

1 நிமிட் போதும்.

2008-09-03T21:47:00.000-07:00

மாகி நூடுல்ஸ் செய்யக் கூட ரெண்டு நிமிடம் தேவை.

நாம் 1 நிமிட்ல அப்பளம் சுடலாம் அல்லது
காபி/டீ கலக்கலாம்.

அப்பளத்தை (லிச்சத் பாபட், உளுந்து அப்பளம்,
அரிசி அப்பளம் ஏன் வடக வகைகள் கூட) மேலே சொல்லியிருப்பது
போல் வைத்து 1 நிமிடம் அல்லது அதற்கும் குறைவான
நேரத்தில் வைக்கவும்.

நடுவில் அவனை நிறுத்தி அப்பளத்தை மறுபுறம்
திருப்பிவிடவும்.

இதோ அப்பளம் ரெடி.

இனி உங்களுக்கு ஏதாவது சாப்பிடவேண்டும் என்று
தோன்றும் போதெல்லாம் அப்பளத்தை சூட்டு,
நறுக்கிய வெங்காயம், தக்காளி, கொத்துமல்லி
தூவி எலுமிச்சை ரசம் கொஞ்சம் மேலே பிழிந்து
மசாலா பாப்பட் செய்து கொள்ளலாம்.

இதோடு சூடாக பிளாக் டீ இருந்தால்
சூப்பராக இருக்கும்ல.

அதுவும் 1 நிமிடத்தில் செய்யலாம்.

படத்தில் இருப்பது போல்
எந்த டிசைன் (சில்வர் கோட்டிங் போன்றவை)
இல்லாத கப்பில் தண்ணீர் வைத்து அவனில்
1 நிமிடம் வைக்கவும்.

எடுத்து டீ பேக், சர்க்கரை சேர்த்தால் டீ ரெடி.

காபி தான் வேணும் என்று நினைத்தால்

டிகாஷன்/ இன்ஸ்டண்ட் தூள் பால், சர்க்கரை
கல்ந்து அவனில் 1 நிமிடம் வைத்தால் காபி
ரெடி.

(மிக முக்கியமான விடயம் பால், தண்ணீர்
சுட வைத்து வெளியே எடுக்கும் பொழுது
முகத்தின் அருகே கொண்டு செல்லாதீர்கள்.
தண்ணீர் முகத்தில் தெளிக்கும் அபாயம்
உள்ளது)

மைக்ரோ அவனில் பொரியல் செய்வது எப்படி?

2008-09-02T04:15:00.000-07:00

காலை நேர அவசர சமையலுக்கு ஆபத்பாந்தவனாய்
கை கொடுப்பது அவன் (மைக்ரோ அவனைச் சொன்னேன்)
தான்.

பீன்ஸ் பொரியல் செய்வது எப்படின்னு பார்ப்போம்.
தேவையான சாமான்கள் நாம் சாதாரணமாக
பீன்ஸ் பொரியலுக்கு உபயோகிக்கும் சாமான்கள் தான்.

பீன்ஸை பொடியாக நறுக்கி வைத்துக்கொள்ளவும்.

மைக்ரோ வேவ் பாத்திரத்தில் கடுகு, உளுத்தம்பருப்பு,
மிளகாய் தாளித்து வெளியே எடுத்து நறுக்கிவைத்திருக்கும்
பீன்ஸை சேர்த்து பிரட்டி 1 ஸ்பூன் தண்ணீர் சேர்த்து
4 நிமிடங்கள் வைக்கவும்.

எடுத்து உப்பு சேர்த்து நன்கு கலக்கி, தேங்காய்த்துருவல்
சேர்த்து மேலும் 3 நிமிடங்கள் வைத்தால்
பொரியல் ரெடி.

பீன்ஸ் பொரியல் மாதிரி தான் பீட் ரூட் பொரியலும்.

(மைக்ரோ வேவில் காய்களை வேகவைப்பதால்
சத்து வீணாகாமல் கிடைக்கிறது. குக்கரில்
வேகவைத்து தண்ணீரை கொட்டிவிடுகிறோம்.
இங்கே குறைவான தண்ணீர், சத்தும் அப்படியே
கிடைக்கிறது.)

உருளைக்கிழங்கு வேகவைத்து தோலுரித்து அவதிப்பட
தேவையில்லை.

தோலை சீவி வேண்டிய சைஸில் கட் செய்து
காரம், மஞ்சள், உப்பு கலந்து அவனில் வைத்தால்
5 நிமிடத்தில் உருளை வறுவல் ரெடி.

செஞ்சு பாத்துட்டு சொல்லுங்க.

மைக்ரோ வேவ் சமையல்

2008-08-31T23:50:00.000-07:00

மைக்ரோ வேவில் சமைப்பது சுலபம்.
( மைக்ரோ வேவ் பாத்திரம் தேய்ப்பதும் தான் :))))

மைக்ரோ வேவ்
விக்கிப்பீடியா தகவல்களுக்கு.

மைக்ரோ வேவ் எப்படி வேலை செய்கிறது?
போன்ற மற்ற தகவல்களுக்கு.

மைக்ரோ வேவில் சூட வைப்பது மட்டுமல்ல
சூப்பரா நமது இந்திய சமையலும் செய்யலாம்.
(துளசி டீச்சர் பதிவுகளில் பார்த்திருப்பீங்க)

எனக்குத் தெரிந்த சில மைக்ரோ வேவ்
சமையல் குறிப்புகளை உங்களுக்குத்
தரப்போகிறேன்.

இனிப்போடு ஆரம்பிக்கலாமா?

தேங்காய் பர்பி:

INGREDIENTS பட்டியல் தேங்காயத் துருவல் - 1 கப், சர்க்கரை - 1 கப், நெய் 1 ஸ்பூன், ஏலப்பொடி கொஞ்சம்.

மைக்ரோ வேவ் பாத்திரத்தில் தேங்காய்த் துருவல்,
சர்க்கரை, நெய் கலந்து 3 நிமிடம் வைக்கவும்.

3 நிமிடத்திற்கு பிறகு எடுத்து கொஞ்சம் ஏலப்பொடி
சேர்த்து கலக்கி மேலும் 3 நிமிடங்கள் வைக்கவும்.

எடுத்து நெய் தடவிய தட்டில் கொட்டி வில்லைகள்
போட்டால் பர்பி ரெடி.

( வைக்கும் நேரம் அவனின் அளவைப் பொறுத்தும்
வாட்ஸைப் பொறுத்தும் மாறும் )

தவல அடை

2008-08-09T02:32:00.001-07:00

பேரைப் பார்த்து பயந்து விடாதீர்கள். இது சைவ உணவுதான்.
வைகை எக்ஸ்ப்ரஸில் பயணம் செய்யும் பொழுது
விற்றுக்கொண்டு வருவார்களே சாப்பிட்டிருக்கிறீர்களா?

மழை பெய்துகொண்டிருக்கிறது. இந்த டிபன் சூப்பரா இருக்கும்.

இதை இரண்டு விதமாக செய்யலாம்.

INGREDIENTS தேவையான பொருட்கள்:

அரிசி : 2 கப்

கடலைப்பருப்பு, துவரம்பருப்பு,
உளுத்தம்பருப்பு, பாசிப்பருப்பு எல்லாம் கலந்து :2 கப்

சீரகம், மிளகு 1 ஸ்பூன். மிளகாய் வற்றல் : 5

பட்டியல்

மேற்சொன்ன அனைத்தையும் ஊற வைத்து கரகரவென்
அரைத்து எண்ணையில் கரண்டியால் எடுத்து ஊற்றி
ப்ரவுன் நிறத்தில் பொறித்து எடுக்கலாம்.

எண்ணையில் பொறிக்க பயமாக இருக்கும்
கலோரி கான்சியஸ் காரர்கள் இவ்வாறு செய்யலாம்.

கொடுத்திருக்கும் பொருட்களை மிக்ஸியில்
டிரையாக ரவைபோல் பொடித்துக் கொள்ளவும்.

அடி கணமான பாத்திரத்தில் எண்ணைய் ஊற்றி
கடுகு, கறிவேப்பிலை தாளித்து 1 பங்கு ரவைக்கு
2 பங்கு தண்ணீர் விட்டு கொதித்ததும் உப்பு
சேர்த்து, பொடித்து வைத்திருக்கும் ரவையையும்
சேர்த்து உப்புமாவாக கிளறவும்.10 நிமிடம்
சிம்மில் வைத்து வெந்ததும் அடுப்பை அணைத்து
விடவும்.

செய்து வைத்திருக்கும் உப்புமாவை உருண்டைகளாக
செய்து வைத்துக்கொள்ளவும்.

வாணலியை அடுப்பில் வைத்து உருட்டி வைத்திருக்கும்
உருண்டைகளை வட்டமாகத்தட்டி, நடுவில் ஓட்டை
செய்து அதை வாணலியில் போட்டு, 1 ஸ்பூன்
எண்ணைய் எடுத்து நடுவில் கொஞ்சம், சுற்றி
கொஞ்சம் விட்டு மூடி வைக்கவும்.

பிறகு மறுபுறமும் திருப்பி மூடி வைக்கவும்.
சுட்டதும் சுடச்சுட சாப்பிடலாம்.

தொட்டுக்கொள்ள தேங்காய்ச் சட்னி, கொத்சு
சாம்பார் எதுவும் ஓகே தான்.

கமகம கத்தரிக்காய்

2008-07-29T22:45:00.000-07:00

தமிழ் உணவுக்கே உரியதான ஒரு சில காய்கறிகளில் கத்தரிக்காயும் ஒன்று. சாம்பாரில் முக்கிய இடம்பெறுவது மட்டுல்லாமல் அவியல்,பொரியலுக்கும் ஏற்றது. கத்தரிக்காய் கொண்டு செய்யப்படும் சில உணவுவகைகள்...

கத்தரிக்காய் சட்னி

கத்தரிக்காய் - 2 பெரியது
பச்சை மிளகாய் - 6
கொத்துமல்லி தழை- 1 கொத்து
புளி - 1 எலுமிச்சை அளவு
பெருங்காயம் - 1 சிட்டிகை
உப்பு

தாளிதம்:
எண்ணெய், கடுகு, வற்றல்

1.கத்தரிக்காயை துண்டுகளாக நறுக்கி சிறிதளவு தண்ணீர் சேர்த்து வேக வைக்கவும். அல்லது நீர் சேர்க்காமல் எண்ணெயில் வதக்கிக் கொள்ளவும்.

2. வேகவைத்த கத்தரிக்காய் ஆறியபின் பச்சைமிளகாய், புளி, உப்பு, பெருங்காயம், கொத்துமல்லி இலையுடன் சிறிதளவு நீர்விட்டு மிக்சியில் அரைத்து எடுக்கவும்.

3. அரைத்த விழுதை தாளிதம் செய்க.

சப்பாத்தி, இட்லி, தோசைக்கு சுவையான தொட்டுகையாக கத்தரிக்காய் சட்னி தயார்.

மசாலா கத்தரிக்காய்

கத்தரிக்காய் - 250 கிராம்
பெரிய வெங்காயம் - 3
புளி - சிறு எலுமிச்சை அளவு
தேங்காய் துருவல் - 1 கப்
எண்ணெய்
உப்பு

தாளிதம்:
கடுகு, உளுத்தம் பருப்பு, கடலைப் பருப்பு

கத்தரிக்காய்களை கழுவி காம்பு நீக்கி நான்காய் கீறிக் கொள்ளவும்

புளியை தண்ணீர் விட்டு கெட்டியாக கரைத்து, தேங்காய் துருவல், அரிந்த வெங்காயம் சேர்த்துக்கொள்ளவும்.

வாணலியில் எண்ணெய்விட்டு தாளிதம் செய்து புளிக் கலவையை கொட்டி உப்பு சேர்த்து வதக்கவும். வெங்காயம் வதங்கிய பின் கலவையை எடுத்து கீறிய கத்தரிக்காய்களுக்குள் நிரப்பவும்.

வாணலி அல்லது பிரைபேனில் எண்ணெய் விட்டு கத்தரிக்காய்களை அடுக்கி வைக்கவும். மீதமுள்ள மசாலா கலவையை அதன்மீது கொட்டி மூடி வைத்து மிதமான தீயில் வேக வைக்கவும். சிறிது நேரம் கழித்து கத்தரிக்காய்களை திருப்பி போடவும். எல்லாப் பக்கங்களும் வெந்தபின் எடுத்தால் அனைத்துவகை சாதத்துக்கு ஏற்ற சுவையான மசாலா கத்தரிக்காய் தயார்.

கத்தரிக்காய் கொத்சு

கத்தரிக்காய் - 4
சின்ன வெங்காயம் - 1 கப்
புளி - 1 எலுமிச்சை அளவு
வற்றல் மிளகாய் - 6
மல்லி - 3 கரண்டி
கடலைப் பருப்பு - 3 கரண்டி
நல்லெண்ணெய் - 100 மிலிகிராம்
உப்பு

வற்றல் மிளகாய்,மல்லி, கடலைப் பருப்பை வறுத்து மிக்சி அல்லது உரலில் பொடித்துக் கொள்ளவும்.

புளியை சிறிது தண்ணீரில்கரைத்து புளிக்கரைசல் எடுத்துக்கொள்ளவும்.

சிறிய துண்டுகளாக நறுக்கிய கத்தரிக்காய், தோல் நீக்கிய வெங்காயம் ஆகியவற்றை சிறிது நல்லெண்ணெய் விட்டு வதக்கி அதில் புளித் தண்ணீரை விட்டு வேகவைக்கவும். பொடித்து வைத்த மசாலாவை அதில் கொட்டி கிளறவும். அரை கப் நல்லெண்ணெயை அதில் ஊற்றி மூடி வைக்கவும்.

இட்லி, தோசை, சப்பாத்திக்கு மிகச்சிறந்த தொட்டுகை.

கத்தரிக்காய் தொக்கு

கத்தரிக்காய் - 4
பெரியவெங்காயம் - 2
தக்காளி - 2
பச்சை மிளகாய் - 4
கெட்டியான புளிக்கரைசல் - அரை கப்
பூண்டு - 4 பல்
பெருங்காயப்பொடி - கால் கரண்டி
நல்லெண்ணெய் - 100 மில்லி
மஞ்சள்தூள் - அரை கரண்டி
மிளமாய்த்தூள் - 1 கரண்டி
உப்பு

தாளிதம்:
வற்றல்மிளகாய், கடுகு, கறிவேப்பிலை

கத்தரிக்காயை குக்கர் அல்லது இட்லிப் பாத்திரத்தில் நீராவியில் வேக வைக்க வேண்டும். வெந்து ஆறியபின் தோல் நீக்கி மத்தினால் கடைந்து, அல்லது கையால் பிசைந்து பேஸ்ட் போல ஆக்கிக் கொள்ள வேண்டும்.

வெங்காயம், தக்காளி, பூண்டு,பச்சை மிளகாயை சிறிதாக நறுக்கவும்.

வாணலியில் எண்ணெய் விட்டு தாளிதம் செய்தபின் நறுக்கிய காய்களை சேர்த்து வதக்கவும். மஞ்சள்தூள், மிளகாய்த்தூள், உப்பு சேர்த்து நன்றாக வதக்கிய பின் புளிக் கரைசலையும் மசித்து வைத்த கத்தரிக்காயையும் சேர்த்து கிளறவும்.

வெஜிடபிள் பிரியாணி, அனைத்து வகை சாதங்கள், தனிச்சோறு உட்பட அனைத்துக்கும் ஏற்ற தொட்டுகை இது.

அவல் ரெசிப்பி.

2008-07-29T02:50:00.000-07:00

கார்மேக வண்ணன் கண்ணனுக்கு பிடித்தது.
கிருஷ்ணாஷ்டமிக்கு எது செய்தாலும் செய்யாவிட்டாலும்,
இது கண்டிப்பாய் இடம்பெரும் நைவேத்தியம்.

நம் உடம்புக்கும் நல்லது. டயட்டில் இருப்பவர்கள்
கூட சாப்பிடலாம்.

எப்பவும் போல் தேங்காய் அவல், தயிர் அவல், புளிஅவல்
தானா? செய்யற நமக்கே அலுப்பா இருக்கும்ல.

அதான் எனக்குத் தெரிந்த சில ரெசிப்பிக்களை
உங்களுக்கு சொல்ல வந்தேன்.

அவலை ஹிந்தியில் போஹான்னு சொல்வாங்க.
உருளைக்கிழங்கு போஹா, மசலா போஹா,
சிம்பிள் போஹா இதுதான் நாம் பார்க்கப்போகும்
ரெசிப்பிக்கள்.

முதலில் படாடா போஹா(உருளைக்கிழங்கு அவல்)
தேவையான சாமான்கள்:

கெட்டி அவலோ, சன்ன அவலோ எது கிடைக்குதோ
அது - 2 கப்,

வேகவைத்த உருளைக்கிழங்கு - 2

பொடியாக அரிந்த பெரிய வெங்காயம் - 1 கப்

இஞ்சி - 1 துண்டு

பச்சை மிளகாய் - நீளவாக்கில் கீறியது - 2

கொத்தமல்லி தழை கொஞ்சம்,

கறிவேப்பிலை - கொஞ்சம்,

கடுகு, சீரகம் - 1/2 ஸ்பூன்,

மஞ்சள் தூள், உப்பு தேவைக்கேற்ப,

தாளிக்க - 1ஸ்பூன் எண்ணைய்.

எலுமிச்சை ரசம் - 1 ஸ்பூன்

செய்முறை:
கெட்டி அவலாக இருந்தால் கழுவி ஒரு நிமிடம்
வைக்கவும். (சன்ன அவலாக இருந்தால்
1 ஸ்பூன் நீரூற்றி பிசறிக்கொள்ளவும்)

அடுப்பை பற்ற வைத்து வாணலியில் எண்ணைய்
விட்டு முதலி இஞ்சி, பச்சைமிளகாய் கறிவேப்பிலை,
வதக்கி அதன் பிறகு கடுகு, சீரகம் தாளித்து
வெங்காயம் சேர்த்து வதக்கவும்.

வெங்காயம் நன்கு வதங்கியதும், வேகவைத்துள்ள
உருளைக்கிழங்கு, மஞ்சள் தூள், உப்பு போட்டு
வதக்கவும்.

பிறகு கழுவி வைத்திருக்கும் அவலையும் சேர்த்து
நன்கு கலக்கவும்.

இறக்கிவைத்து எலுமிச்சை ரசம் சேர்த்து
கலக்கி மேலே கொத்தமல்லி தூவினால்
ஸ்ஸ்ஸ்ஸ்... போஹா ரெடி.

ப்ரேக் பாஸ்ட், டின்னர் எதுக்கும் பொருந்தும்.

தொட்டுக்கொள்ள தேங்காய்ச் சட்னி போதும்.

மசாலா போஹா:

தேவையான சாமன்களில் பச்சை மிளகாய்,இஞ்சிக்கு பதில்
1 ஸ்பூன் கரம் மசாலா.

செய்முறை அதேதான்.

சிம்பிள் போஹா:

அவல், பச்சை மிளகாய், கறிவேப்பிலை,
பொட்டுக்கடலை (அதாங்க ஒட்சக் கடலை)
தேங்காய்த் துருவல் 1 ஸ்பூன், உப்பு.

பொட்டுக்கடலை, தேங்காய்த்துருவல், பச்சைமிளகாய்
மூன்றையும் மிக்சியில் சற்று கரகரப்பாக
பொடித்துக்கொள்ளவும். ( நோ வாட்டர். ஒன்லி
பவுடர் :) )

வாணலியில் எண்ணைய் விட்டு, கடுகு தாளித்து
கறிவேப்பிலை சேர்த்து கழுவி வைத்திருக்கும்
அவலையும் உப்பையும் சேர்த்து வதக்கவும்.

செய்து வைத்திருக்கும் பொடியை மேலே
தூவி கொஞ்சம் பிரட்டி இறக்கி வைக்கவும்.

தொட்டுக்கொள்ள எதுவும் வேண்டாம்.
விரும்புகிறவர்கள் கொஞ்சம் தயிர் சேத்து
அப்படியே சாப்பிடலாம்.

(பிள்ளைகள் மிகவும் விரும்புவார்கள் இந்த
போஹா வகைகளை.)

இன்னுமொரு ரெசிப்பிக்கு இங்கே..

உடலுக்கு ஒரு ஏர் கண்டீஷனர்.

2008-07-25T00:11:00.001-07:00

வெந்தயம் இதன் மருத்துவ நலன்களை நான்
சொல்லத் தேவையில்லை.

மேலதிக தகவல்களுக்கு இங்கே - விக்கிப்பீடியா.

முடிந்த போதெல்லாம் வெந்தயத்தை நமது
சமையலில் சேர்த்துக்கொள்வது நல்லது.

சாம்பார்,குழம்பு வகைகளுக்கு வெந்தயம் தாளித்தால்
வாசனை ஊரைத் தூக்கும்.
(வாயில் தட்டுப்படும் வெந்தயம் கசப்பை கொடுப்பதால்
பலர் விரும்ப மாட்டார்கள்.)

சரி இப்போது வெந்தயக் கீரை ரெசிப்பி சில பார்க்கலாம்:

ஆலு மேத்தி - வெந்தயக்கீரை + உருளைக்கிழங்கு வறுவல்.

இது ரொம்ப சிம்பிள் முறை:

தேவையான சாமான்கள்:

உருளைக்கிழங்கு - 250 கிராம் (வேகவைத்து தோலுரித்துக்
கொள்ளவும்)

கசூரி மேத்தி - உங்களுக்கு விருப்பமான அளவு.
(பெரிய டிபார்ட்மெண்டல் ஸ்டோர்களில் கசூரி மேத்தி
கிடைக்கும்)

உப்பு, மஞ்சள் தூள், காரத்தூள் அல்லது கரம் மசாலா
தேவையான அளவு.

செய்முறை:

அடுப்பை பற்றவைத்து வாண்லியில் 1 ஸ்பூன்
எண்ணைய் ஊற்றி கடுகு தாளிக்கவும்.

வேகவைத்த உருளைக்கிழங்கை அதில் போட்டு
உப்பு, மஞ்சள், காரம் சேர்த்து கிளறவும்.

கொஞ்சம் வதங்கியதும் இரக்கி வைத்து
கசூரி மேத்தி சேர்த்து வாணலி சூட்டிலேயே
பிரட்டவும்.

ஆலூ மேத்தி ரெடி.

விரும்பினால் தாளித்தபின் 2 தக்காளி
வெட்டி சேர்க்கலாம்.

மேத்தி பராத்தா:
நாம் சாதரணமாக சப்பாத்திக்கு மாவு பிசைவது போல்
பிசைந்து அதில் கொஞ்சம் மஞ்சள் தூள் விரும்பினால்
கொஞ்சமாக கரம் மசாலா சேர்க்க வேண்டும்.

முக்கியமாக கசூரி மேத்தி வேண்டிய அளவு சேர்த்து
பிசைந்து இரு புறமும் எண்ணைய் விட்டு
சுட்டு எடுத்தால் மேத்தி பராத்தா ரெடி.

இதிலேயே தண்ணீருக்கு பதில் புளிக்காத
தயிர் சேர்த்து பிசைந்தால் மேதி தேப்லா.

( 4 நாள் வரை கெடாது)

வெந்தயக்கீரை சாம்பார்:

செய்வது சுலபம். வெங்காயம் இல்லாமல் சாம்பார் செய்ய
என்னென்ன தேவையோ அந்த பொருட்களே போதும்.

குழம்பில் போடப்படும் காய்க்கு பதில் வெந்தயக்கீரை.

சரி செய்முறை எப்படின்னு பார்த்திடலாமே!

குழம்பு செய்யும் பாத்திரத்தில் 1 கரண்டி தண்ணீர்
விட்டு அது கொதித்ததும் சுத்தம் செய்து வெட்டி
வைத்துள்ள வெந்தயக்கீரையை போடவும்.

கீரை முக்கால் பாகம் வெந்ததும் புளிக்கரைசல்
ஊற்றி கொதிக்க விடவும்.

மஞ்சள் தூள், உப்பு, சாம்பார் பொடி
சேர்த்து கொதிக்க விடவும்.

பொடி வாசனை போனதும் வேக வைத்துள்ள
பருப்பை சேர்த்து கொதிக்க விடவும்.

நல்லெண்ணையில் கடுகு, உளுத்தம்பருப்போடு,
கறிவேப்பிலை, 2 பச்சை மிளகாய் கீறி
தாளித்து கொதிக்கும் குழம்பில் கொட்டி
பரிமாறவும்.

நம் உடல் சூட்டை தடுக்கும் வெந்தயம்.

வெந்தயம் நம்மை வெந்து போகாமல் காக்கும் அருமருந்து.

பூண்டுக் குழம்பு, பூண்டு ரசம்

2008-07-15T00:26:00.000-07:00

பூண்டு மிக நல்லது. அரு மருந்து.

நம் உடம்பை சுத்தப்படுத்துவதில் பூண்டு பெரும்பங்கு
வகிக்கிறது. வாரம் ஒரு முறை பூண்டை சமையலில்
சேர்த்தால் நோய் நொடி இல்லாமல் வாழலாம்.

மிளகின் குணத்தை பற்றி சொல்ல ஒரு பழைய சொலவடை
போதும். ”4 மிளகை கையில் எடுத்துக்கொண்டு எதிரி
வீட்டில் கூட சாப்பிட போகலாம் ”என்பார்கள்.

விஷத்தை முறிக்கும் தன்மை மிளகுக்கு உண்டு.
பூச்சிக்கடி போன்ற எந்த விஷக்கடிக்கும் முதலில்
மிளகைத்தான் திங்கக் கொடுப்பார்கள்.

நாம் முதலில் பார்க்கப்போவது பூண்டு,மிளகு ரசம்.

செய்வது எளிது.

தேவையான சாமான்கள்:

4 பல் பூண்டு, தக்காளி 2, மிளகு 1/4 ஸ்பூன்,
சீரகம் 1/4 ஸ்பூன், எண்ணைய் 1 ஸ்பூன்,கடுகு,
கறிவேப்பிலை, கொத்தமல்லி கொஞ்சம்,
உப்பு, மஞ்சள் தூள் தேவைக்கேற்ப.

செய்முறை:
பூண்டு பல், மிளகு சீரகத்தை முதலில் மிக்ஸியில்
போட்டு பொடிக்கவும். பிறகு தக்காளியைச் சேர்த்து
சுற்றினால் நன்கு பேஸ்டாக வரும்.

அடுப்பை பற்ற வைத்து வாணலியில் எண்ணைய்
1 ஸ்பூன் சேர்த்து சூடானதும், கடுகுதாளித்து,
கறிவேப்பிலை சேர்த்து வதக்கி அத்துடன்
அரைத்து வைத்துள்ள தக்காளி, பூண்டு பேஸ்டை
சேர்த்து நன்கு வதக்கவும்.

மஞ்சள் தூள், உப்பு சேர்த்து வதக்கி
தேவையான அளவு தண்ணீர் சேர்த்து ஒரு
கொதி வந்ததும் இறக்கி கொத்தமல்லி தழை
சேர்த்தால் ரசம் ரெடி.

இதை சூப்பாகவும் குடிக்கலாம்.

பூண்டு, மிளகுக் குழம்பு.

தேவையான பொருட்கள்:

சின்ன வெங்காயம் - 100 கிராம்
பூண்டு - 100 கிராம்
மிளகு 1/2 ஸ்பூன்
சீரகம் 1/2 ஸ்பூன்
தக்காளி 1/4 கிலோ.
தேங்காய் துருவல் அல்லது கொப்பரைத்தூள் 1 ஸ்பூன்,
மிளகாய்த்தூள் 1 ஸ்பூன்,
தனியாத்தூள் 1 ஸ்பூன்
ந.எ - 1 ஸ்பூன்,
உப்பு, மஞ்சள் தூள் தேவைக்கேற்ப.

செய்முறை:
பூண்டை உரித்து கொள்ளவும்.

சின்ன வெங்கயாத்தையும் நன்கு உரித்துக்கொள்ளவும்,

வெறும் வாணலியை அடுப்பில் வைத்து
அதில் மிளகு சீரகம் போட்டு வெடிக்கத் துவங்கியதும்
மிளகாய்த்தூள், தனியாத்தூள் சேர்த்து பிரட்டி
அடுப்பை அனைக்கும் முன் தேங்காய்த்துருவல்
சேர்த்து ஆற விட்டு மைய பேஸ்டாக
அரைத்துக்கொள்ளவும்.

தக்காளியைப் பொடியாக நறுக்கிக்கொள்ளவும்

குக்கரில் எண்ணைய் ஊற்றி காய்ந்ததும்
கடுகு, கறிவேப்பிலை தாளித்து
பூண்டு, சின்ன வெங்காயம் சேர்த்து வதக்கவும்.

பிறகு தக்காளியையும் சேர்த்துவதக்கி,
அரைத்துவைத்துள்ள பேஸ்டையும் போட்டு,
உப்பு, மஞ்சள் தூள் மற்றும் 1 கிளாஸ்
தண்ணீர் சேர்த்து கிளறி மூடி வெயிட் போடவும்.

3 விசிலுக்கு பிறகு இறக்கி ஆற வைத்து
திறந்தால் கம கமக்கும் பூண்டு, மிளகுக்குழம்பு ரெடி.