மைக்ரோ அவனில் பொரியல் செய்வது எப்படி?

காலை நேர அவசர சமையலுக்கு ஆபத்பாந்தவனாய்
கை கொடுப்பது அவன் (மைக்ரோ அவனைச் சொன்னேன்)
தான்.







பீன்ஸ் பொரியல் செய்வது எப்படின்னு பார்ப்போம்.
தேவையான சாமான்கள் நாம் சாதாரணமாக
பீன்ஸ் பொரியலுக்கு உபயோகிக்கும் சாமான்கள் தான்.

பீன்ஸை பொடியாக நறுக்கி வைத்துக்கொள்ளவும்.

மைக்ரோ வேவ் பாத்திரத்தில் கடுகு, உளுத்தம்பருப்பு,
மிளகாய் தாளித்து வெளியே எடுத்து நறுக்கிவைத்திருக்கும்
பீன்ஸை சேர்த்து பிரட்டி 1 ஸ்பூன் தண்ணீர் சேர்த்து
4 நிமிடங்கள் வைக்கவும்.

எடுத்து உப்பு சேர்த்து நன்கு கலக்கி, தேங்காய்த்துருவல்
சேர்த்து மேலும் 3 நிமிடங்கள் வைத்தால்
பொரியல் ரெடி.




பீன்ஸ் பொரியல் மாதிரி தான் பீட் ரூட் பொரியலும்.

(மைக்ரோ வேவில் காய்களை வேகவைப்பதால்
சத்து வீணாகாமல் கிடைக்கிறது. குக்கரில்
வேகவைத்து தண்ணீரை கொட்டிவிடுகிறோம்.
இங்கே குறைவான தண்ணீர், சத்தும் அப்படியே
கிடைக்கிறது.)


உருளைக்கிழங்கு வேகவைத்து தோலுரித்து அவதிப்பட
தேவையில்லை.

தோலை சீவி வேண்டிய சைஸில் கட் செய்து
காரம், மஞ்சள், உப்பு கலந்து அவனில் வைத்தால்
5 நிமிடத்தில் உருளை வறுவல் ரெடி.


செஞ்சு பாத்துட்டு சொல்லுங்க.